- 493 -

1416. Nov. 5. Breslau.

Indulgenzbrief des Albertus de Setzinye, Professor der Theologie und Prior des Dominikaner-Ordens an den liegnitzer Rath.

Providis dominis tocius consulatus ciuitatis Legnicensis presentibus et futuris cum consortibus ac liberis eorundem frater Albertus de Setzinye sacre theologie professor, prior prouincialis Polonie ordinis predicatorum, salutem in domino Jhesu, omnium benignissimo saluatore. Sincero vestre deuocionis affectui, quem erga nostrum geritis ordinem satisfacere cupiens, spiritualibus temporalia rependendo, vos omnium missarum, oracionum, predicacionum, disciplinarum, abstinenciarum, jejuniorum, vigiliarum, peregrinacionum, laborum ceterorumque bonorum omnium et singulorum, que ipse dominus ex sua largissima clemencia per fratres et sorores nostre prouincie fieri dederit, vniuersos participes facio, et in confraternitatem nostram et ad suffragia ordinis tenore presencium assumo, vt multiplici suffragiorum adjuti auxilio in presenti graciam et in futuro eterne beatitudinis premium mereamini feliciter possidere. In nomine patris et f. et s. amen. Insuper et hanc graciam vobis concedo, vtrum obitus noster, quem deus faciat felicem, ordini denunciatus fuerit pro vobis sicut pro ceteris ordinis nostri fratribus et sororibus oracionum suffragia deuocius peragantur. In quorum fidem et testimonium sigillum officii mei prouincialatus presentibus duxi appendendum. Datum in Wratislauia die Novembris quinto domini MCCCCXVI°.

O. d. St. L. No. 258. An feinen Schnüren von rother Seide das schadhafte Siegel in rothem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866